له ئه‌نجامی وه‌رگه‌ڕانی پاسێكی گه‌شتیاری كه زیاره‌تكاری بیانی له‌گه‌ڵ بووه و به‌ره‌و عێراق ده‌چوو، 28 كه‌س له سه‌رنشینه‌كانی گیانیان له‌ده‌ستدا.
ئاژانسی مێهر نیوزی ئیرانی بڵاویانکردەوە، پاسه گه‌شتیارییه‌كه لە ناوچەی دێهشیر لە پارێزگای یەزدی ئێران وه‌رگه‌ڕاوه کە کۆمەڵێک زیارەتکاری شیعه‌ی پاکستانی تێدابووە و ویستویانە بەرەو عێراق بچن و له ئه‌نجامی رووداوه‌كه 28 كه‌س له‌و زیارته‌كاره پاكستانیانه گیانیان لەدەستداوه.
به گوێره‌ی ئاژانسه‌كه جگە لەو قوربانیانه 23كه‌سی دیکەش برینداربوون كه برینی به‌شێك له‌وان سه‌خته و چاوه‌ڕوان ده‌كرێت به‌م هۆیه‌وه ژماره‌ی گیانله‌ده‌ستدانه‌كان زیاتر ببێته‌وه.
ئه‌مه له كاتێكدایه ،ئه‌مساڵ زیاره‌تكارانی شیعه له رێكه‌وتی28ی ئاب دێنه پارێزگای کەربەلای عێراق و له‌وێ رێوره‌سمی چلە بۆ كوژرانی ئیمام حوسێن به‌ڕێوه‌ده‌به‌ن و هۆکاری هاتنی زیارەتکارە پاکستانیەکانیش بەو هۆیەوە بوو.
کۆمێنت (0)
تا ئێستا هیچ کۆمێنتێک نەکراوە.