لە عێراق دەستپێكی ئەمساڵی خوێندن دواخرا

وەزارەتی خوێندنی باڵا و توێژینەوەی زانستی عێراق بڕیاری دا بۆ ئەمساڵ دەستپێكی خوێندن لە زانكۆ حكوومی و ناحكوومییەكان چەند رۆژێك دوابخرێت.

وەزارەتی خوێندنی باڵا و توێژینەوەی زانستی عێراق لە گشتاندنێكدا بڵاوی كردەوە: بۆ ئەمساڵی خوێندن (2024-2025) لە سەرجەم زانكۆ حكوومی و ناحكوومییەكاندا دەستپێكی دەوام لە 10/9/2024 دەست پێ دەكات.

بڵاویشی كردەوە: پێشتر بڕیاردرابوو دەستپێكی خوێندنی ئەمساڵ لە 16/9/2024 دەست پێ بكات.

وەزارەتەكە هۆكاری دواخستنەی ئەم چەند رۆژەی بۆ ئەوە گەڕاندەوە كە دەستپێكی خوێندنی زانكۆكان نەچێتە نێو تاقیكردنەوەكانی خولی دووەمی وەزارەتی پەروەردەوە، هەروەها ئەم چەند رۆژە ببێتە قەرەبووی بڕیاری دەوامكردنی رۆژانی شەممە لە زانكۆكان.