پارتی گەلی توركمانی عێراق پەیامێكی پیرۆزبایی ئاراستەی سەرۆك بارزانی و ئەندامانی مەكتەبی سیاسی و سەركردایەتی پارتی كرد بەبۆنەی هاتنەوەی 16ی ئاب و 78 ساڵەی دامەزراندنی پارتی دیموكراتی كوردستان.
عەرفان كەركووكلی سەرۆكی پارتی گەلی توركمان لە پەیامە پیرۆزباییەكەدا دەڵێت "بەناوی خۆم و ئەندامانی مەكتەبی سیاسی و سەركردایەتی و جەماوەری حیزبمان پارتی گەلی توركمان، جوانترین پیرۆزباییتان ئاراستە دەكەین بە بۆنەی یادی دامەزراندنی پارتی دیموكراتی كوردستان كە هەمیشە پێشەنگ بووە لە خەبات و تێكۆشانی بێوچان لەپێناو خاك و نیشتماندا و داكۆكیكردنی راستەقینەی مافی هەموو گەلانی كوردستان بە هەموو پێكهاتەكانییەوە، وە ئێمە لە پارتی گەلی توركمان هەمیشە خۆشحاڵین كە جەنابی سەرۆك بارزانی بەردەوام داكۆكی لە ماف و دەستكەوتەكانی خەلكی كوردستان بە گشتی و ئێمەی توركمان بە تایبەتی دەكەین".
دەشڵێت "لەم بۆنە پیرۆزەدا ئێمە وەك گەلی توركمان و پارتی گەلی توركمان خۆمان بە بەختەوەر دەزانین و هەمیشە شادبووینە لە كوردستان كە مافەكانمان زامن كراوە بە تێكۆشانی حیزبە تێكۆشەرەكەتان و بە ڕابەرایەتی جەنابتان".
هەروەها دەڵێت "وە لەم بۆنە پیرۆزەدا دووپاتی دەكەینەوە كە ئێمە سەرفرازین بەو پەیوەندییە مێژووییەی لە بەینی گەلانی عێراق و بەتایبەتی گەلانی كوردستان هەیە بە ڕابەرایەتی جەنابتان كە بۆتە مایەی سەرفرازی".
عرفان كەركووكلی لە پەیامە پیرۆزباییەكەدا ئاماژە بەوەش دەكات "دووبارە پەرەسەندن بە پەیوەندییەكانی حیزبمان وەك پارتی گەلی توركمان لەگەڵ پارتی دیموكراتی تێكۆشەری هاوپەیمان وە كاركردن لەپێناو بەدیهێنانی هەموو مافە رەواكان كە خۆی لە دەستووری هەمیشەیی عێراقدا دەبینێتەوە، وە ئەم یادە پیرۆزە هاندەرێكە بۆ بەرەوپێشچوونی ئارامی و سەقامگیری وە بەدیهێنانی مافەكانی گەلی كوردستان بە هەموو پێكهاتەكانییەوە".
لە كۆتایی پەیامە پیرۆزباییەكەی سەرۆكی پارتی گەلی توركمان بە بۆنەی 16ی ئاب و 78 ساڵەی دامەزراندنی پارتی دیموكراتی كوردستان نووسراوە "بژی پێشمەرگە.. درود بۆ گیانی پاكی شەهیدانی كوردستان".
کۆمێنت (0)
تا ئێستا هیچ کۆمێنتێک نەکراوە.