سوپای پاسدارانی ئێران ئەمڕۆ پێنجشەممە كوژرانی فەرماندەیەكی سوپاكەیان بە پلەی سەربازی عەقید لە هێرشێكی ئەمەریكا بۆ سەر سووریا راگەیاند.
لیوا حوسێن سەلامی فەرماندەی گشتی سوپای پاسداران رایگەیاند: چەند رۆژێك پێش ئێستا لە هێرشێكی هێزەكانی ئەمەریكا لە سووریا، عەقید ئەحمەد رەزا ئەفشاری فەرماندە و راوێژكاری هێزی ئاسمانی سوپای پاسداران بریندار ببوو.
راشیگەیاند: عەقید ئەحمەد لە هێرشەكەی كۆتایی مانگی رابردووی ئەمەریكا لەنێو خاكی سووریا بە سەختی بریندار ببوو، بۆ چارەسەری پزیشكیش گەڕێنرابووەوە ئێران.
ئاماژەی بەوەش دا كە عەقیدەكەی سوپای پاسداران ئەمڕۆ پێنجشەممە بەهۆی سەختی برینەكەیەوە گیانی لەدەست دا.
کۆمێنت (0)
تا ئێستا هیچ کۆمێنتێک نەکراوە.