لە یەكێك لە نەخۆشخانە حكوومییەكانی ئیدارەی سەربەخۆی سۆران، نەشتەرگەرییەكی دەگمەن ئەنجامدرا ئەویش دەرهێنانی گرێیەكی 2 كیلۆ و 800 گرامی بوو لە سكی ئافرەتێك.
نەخۆشێک بە هۆی بوونی ئازار و گەورەبوونی سکییەوە سەردانی پزیشکی پسپۆری ئافرەتان لە سۆران دەکات، دوای ئەنجامدانی پشکنینی کلینیکی و سۆنار دەردەکەوێت کە چەندان گرێی گەورە لە منداڵدانی نەخۆشەکەدا هەیە.
گرێیەكان قەبارەیان جیاواز بووە كە لە نێوان ١٨*١٠ سم ، ١٠*١٥ سم ٧.٥سم بووە، هەروەها کێشیشی زیاتر بوو لە 2 کیلۆ و 800 سەد گرام.
بەمەبەستی سەلامەتی و پاراستنی گیانی نەخۆشەکە، بریار درا گرێیەکان و منداڵدانی نەخۆشەکە هەڵگیرێت و نەشتەرگەرییەکەش لە نەخۆشخانەی لەدایکبوون و منداڵانی سۆرانی فێرکاری ئەنجامدرا.
بەڕێوەبەرایەتی گشتیی تەندروستی سۆران رایگەیاند كە نەخۆشەکە دوای مانەوە بۆ ماوەی تەنیا 24 کاتژمێر، لە نەخۆشخانە بە تەندروستی باش گەرایەوە ناو خێزان و ماڵەكەی.
کۆمێنت (0)
تا ئێستا هیچ کۆمێنتێک نەکراوە.