سەرۆكی هەرێمی كوردستان پرسەنامەیەكی بەهۆی كۆچی دوایی ملازم خدر بڵاوكردەوە، تێیدا ئاماژەی بەوە دا كە ناوبراو یەكێك بوو لە سەرکردە هەرە دیارەکانی شەڕی هەندرێن لە سەردەمی شۆڕشی مەزنی ئەیلوولدا لە ساڵی 1966.
نێچیرڤان بارزانی سەرۆكی هەرێمی كوردستان پەیامەكەی بە زمانی عەرەبی لە تۆڕی كۆمەڵایەتی ئێكس بڵاوكردەوە و رایگەیاند "بە خەم و پەژارەیەكی قووڵەوە هەواڵی كۆچی دوایی نوعمان عەلوان سوهەیل ئەلتەمیمی (ملازم خدر) كەسایەتی تێكۆشەر و نەتەوەیی و سەرۆكی رێكخراوی پشتیوانانی شیوعییەكانی عێراقمان پێگەیشت".
هەروەها رایگەیاند "ملازم خدر تێكۆشەرێكی حزبی شیوعی عێراق بوو و یەكێك بوو لە سەركردە دیارەكانی شەڕی هەندرێن لە ساڵی 1966 لە سەردەمی شۆڕشی مەزنی ئەیلوولدا، هەروەها تەواوی ژیانی خۆی تەرخان كردبوو لەپێناو عێراقێكی دیموكرات و ببووەوە جێگەی ڕێزی سەرجەم هەڤاڵ و سەركردە نیشتمانییەكانی كورد و عێراق".
نێچیرڤان بارزانی لە پرسەنامەكەدا راشیگەیاند "سەرەخۆشی لە خانەوادە و كەسوكار و هاوڕێیانی ملازم خدر دەكەم و هاوبەشی خەمیانم، داواكارم لە خوای گەورەش گیانی پاكی كۆچكردوو بەر رەحمەت و بەزەیی خۆی بخات".
بحزن وأسى عميقين تلقينا نبأ رحيل المناضل والشخصية الوطنية نعمان علوان سهيل التميمي (ملازم خضر) رئيس رابطة الأنصار الشيوعيين العراقيين.
— Nechirvan Barzani (@IKRPresident) August 1, 2024
كان الراحل مناضلًا في الحزب الشيوعي العراقي، ومن أبرز قادة معركة هندرين ١٩٦٦ إبان ثورة أيلول المجيدة، كرّس حياته للنضال في سبيل عراق ديمقراطي،…
کۆمێنت (0)
تا ئێستا هیچ کۆمێنتێک نەکراوە.