ئەمڕۆ سێشەممە سەرۆكی دیوانی ئەنجوومەنی وەزیرانی هەرێمی كوردستان سەردانی پارێزگای سلێمانی كرد و لەگەڵ پارێزگاری سلێمانی و هەڵەبجە و ئیدارە سەربەخۆكانی گەرمیان و راپەرین كۆبووەوە، ئامانج لە سەردانەكەش بەجێگەیاندنی داواكارییەكانی سنوورەكە بوو.
لەسەر ڕاسپاردەی مەسرور بارزانی سەرۆکی حکوومەتی هەرێمی کوردستان، ئەمڕۆ سێشەممە د. ئومێد سەباح سەرۆکی دیوانی ئەنجوومەنی وەزیران، سەردانی پارێزگای سلێمانی کرد، لەگەل د. هەڤاڵ ئەبوبەکر پارێزگاری سلێمانی و جێگری پارێزگای هەڵەبجە و ئیدارە سەربەخۆکانی ڕاپەرین و گەرمیان کۆبووەوە.
ئەم سەردانە دوای سەردانەکەی سەرۆکی حکوومەتی هەرێمی کوردستان دێت بۆ سنووری پارێزگای سلێمانی و هەڵەبجە، ئامانج لە سەردانەکەش بۆ گفتوگۆکردن و بەدواداچوون بوو سەبارەت بە داواکارییەکانی سنوورەکە، و جێبەجێکردنی بڕیارەکان و بەجێگەیاندنی داواکاریەکانی هەردوو پارێزگا و ئیدارە سەربەخۆکانی سنورەکە.
لە کۆبوونەوەکەدا گیروگرفتە ئیدارییەکان لە سنوورەکە و چەندین بڕیاری گرینگ لە بەرژەوەندی سنوورەکە و هاووڵاتییان بۆ یەکە ئیدارییەکانی پارێزگاکان و ئیدارە سەربەخۆکانی سنوورەکە بڕیاریان لێدرا، کەمکردنەوەی رۆتین و پێدانی دەسەڵاتی ئیداری بە یەکە ئیدارییەکانی پارێزگاکان و ئیدارە سەربەخۆکان بە گوێرەی ڕێنماییەکان لەپێناو خزمەتکردنی زیاتری هاووڵاتییان و فەرمانبەرانی سنوورەکە چوونە بواری جێبەجێکردنەوە تاکو دەستی خزمەتی زیاتر بگات بە سنوورەکە بەبێ جیاوازی لە تەواوی ناوچە جیاجیاکانی کوردستان.
کۆمێنت (0)
تا ئێستا هیچ کۆمێنتێک نەکراوە.