بەرەبەیانی ئەمڕۆ هەینی بوومەلەرزەیەك لە خانەقین رووی دا، بەپێی زانیارییەكان لە ئەنجامی بوومەلەرزەكە هیچ زیانێكی گیانی و ماددی نەكەوتۆتەوە.
بەڕێوەبەرایەتی گشتیی كەشناسی عێراق بڵاوی كردەوە: بەرەبەیانی ئەمڕۆ هەینی كاتژمێر 12:35 بوومەلەرزەیەك لە رۆژهەڵاتی شارۆچكەی خانەقین لە سنووری پارێزگای دیالە كەوتەوە.
گوڕی بوومەلەرزەكە 4.6 پلە بووە بە رێختەر، بەهۆی درەنگی كاتەكە و كەمی پلەكەی، هاووڵاتییەكی كەمی خانەقین هەستیان بە بوومەلەرزەكە كردووە.
بەڕێوەبەرایەتی گشتیی كەشناسی عێراق جەختیشی كردەوە كە تا ئێستا هیچ زانیارییەكیان لەبارەی ئەگەری كەوتنەوەی زیانی گیانی و ماددی لە ئەنجامی بوومەلەرزەكە پێ نەگەیشتووە.
کۆمێنت (0)
تا ئێستا هیچ کۆمێنتێک نەکراوە.