بەڕێوەبەرایەتی تەندروستی هەولێر ئەمڕۆ دووشەممە چوار دوكان و شوێنی كۆزمەتیكی داخست بەهۆی فرۆشتنی چا و قاوەی كێش دابەزاندن.
تیمەکانی چاودێری تەندروستی و سەلامەتی خۆراک لە بەڕێوەبەرایەتی پاراستنی تەندروستی هەولێر بە هەماهەنگی قایمقامییەتی قەزای ناوەندیی هەولێر، هەڵسان بە داخستنی چوار شوێنی کۆزمەتیک.
داخستنی شوێنەكان بە هۆی پابەندنەبوونیان بووە بە ڕێنماییەکانی وەزارەتی تەندروستی و ڕێکلامکردن و فرۆشتنی چاو و قاوەی کێش دابەزاندن کە پێچەوانەی ڕێنماییەکانە.
بەگوێرەی رێنماییەكانی وەزارەتی تەندروستی ڕێکلامکردن بۆ بەرهەمەكانی كێش دابەزاندن بەهەموو شێوەیەك قەدەغەیە و تەنیا دەبێت لە دەرمانخانەکان بفرۆشرێت، جگە لەوەش دەبێت بە ڕێگەپێدانی کوالێتی کۆنتڕۆل و لەژێر چاودێریی پزیشکیی پسپۆری تایبەمەند بێت.
کۆمێنت (0)
تا ئێستا هیچ کۆمێنتێک نەکراوە.