یوسف موئەید بەڕێوەبەری بەڕێوەبەرایەتی گۆڕانی کەشوهەوا لە وەزارەتی ژینگە ڕایگه‌یاند، به پاڵپشتیكردنی به‌ریتانیا ئامادەکارییەکان بۆ دەستپێکردنی پڕۆژەیەکی نوێ بۆ کەمکردنەوەی کاریگەرییەکانی تۆز و خۆڵ و سنووردارکردنی ته‌واكراوه و به‌منزیكانه ده‌ست به جێبه‌جێكردنی ئه‌و پڕۆژه‌یه ده‌كرێت.
هه‌روه‌ها ئاماژه‌ی به‌وه‌شكرد، ئه‌م پڕۆژەیە لەلایەن تیمێکی نیشتمانی لە سەرجەم وەزارەتەکانەوە بە هەماهەنگی و پاڵپشتی حکومەتی بەریتانیا و ڕێکخراوە پەیوەندیدارەکانی نەتەوە یەکگرتووەکان جێبەجێ دەکرێت، پڕۆژەکە تیشک دەخاتە سەر پەرەپێدانی چارەسەری ته‌واوه‌تی بۆ کەمکردنەوەی کاریگەرییەکانی خۆڵبارین و تێكچونی زه‌وی له باشووری عێراق و كه‌مكردنه‌وه‌ی زیانه‌كانی له پارێزگاكانی عێراق.
شیاوی باسه به‌هۆی كه‌مبونه‌وه‌ی ئاوی ژێر زه‌وی و نه‌بوونی سه‌وزایی له زۆبه‌ی شار و شارۆچكه‌كانی باشووری عێراق، ساڵانه به‌تایبه‌ت له وه‌رزی هاویندا ڕێژه‌ی خۆڵبارین زۆر زیاد ده‌كات، ئه‌مه‌ش زیانێكی زۆر به زه‌وییه كشتوكاڵییه‌كان و خه‌ڵك ده‌گه‌یه‌نێت به‌تایبه‌ت ئه‌وانه‌ی نه‌خۆشی هه‌ناسه ته‌نگییان هه‌یه.
کۆمێنت (0)
تا ئێستا هیچ کۆمێنتێک نەکراوە.