ئه‌مڕۆ یه‌كشه‌ممه 21ی7ی2024، په‌رله‌مانی عێراق كۆده‌بێته‌وه و پڕۆژه‌یاسای قەرەبووکردنەوەی موڵک و ماڵی ئەو کەسانەی بەهۆی ڕژێمی لەناوچووەوە زیانیان بەرکەوتووە تاوتوێ ده‌كات.
دوێنێ وه‌رزی نوێی یاسادانان له په‌رله‌مانی عێراق ده‌ستیپێكرد و له یه‌كه‌م دانیشتندا خوێندنه‌وه‌ی یه‌كه‌می بۆ هەمواری یەکەمی یاسای دامەزراوەی شەهیدان و ڕەشنووسی یاسای پەسەندکردنی ڕێککەوتنی خزمەتگوزارییە ئاسمانییەکانی نێوان عێراق و ئازەربایجان كرد.
هه‌روه‌ها گفتوگۆی ڕەشنووسی یاسای دەزگای هەواڵگری نیشتمانی و یاسای پێشنیارکراوی هەموارکردنی یەکەمی یاسای پاسپۆرت ژمارە سیو دووی ساڵی دوو هه‌زار و پازده‌ی تەواو کرد.
به‌شی راگه‌یاندنی ئه‌نجوومه‌نی نوێنه‌رانی عێراق ده‌شڵێت، ئه‌نجوومه‌نه‌كه ئه‌مڕۆ به‌رده‌وامی به دانیشتنه‌كه‌ی ده‌دات و خوێندنه‌وه‌ی یه‌كه‌م بۆ سێ پڕۆژه‌یاسا ده‌كرێت و له بڕگه‌ی چواره‌میش خوێندنه‌وه‌ی دووه‌م و كۆتایی بۆ پرۆژه‌یاسای قەرەبووکردنەوەی موڵک و ماڵی ئەو کەسانەی بەهۆی ڕژێمی لەناوچووەوە زیانیان بەرکەوتووە، ده‌كرێت.
کۆمێنت (0)
تا ئێستا هیچ کۆمێنتێک نەکراوە.