له ڕووداوێكی ته‌قه‌كردندا له به‌غدا سێ كه‌س له خێزانێك كوژران.
سه‌رچاوه‌یه‌كی ئه‌منی رایگه‌یاند، شه‌وی ڕابردوو له‌ڕوداوێكی ته‌قه‌كردندا له ڕۆژهه‌ڵاتی به‌غدای پایته‌خت سێ كه‌س كوژران كه باوكێك و كوڕه‌كه‌ی و كوڕه‌زاكه‌ی بوون.
به‌گوته‌ی سه‌رچاوه‌كه، دوو برا له ناوچه‌ی شه‌ماعییه له ڕۆژهه‌ڵاتی پایته‌خت له دیوی ره‌سافه ته‌قه‌یان له سێ كه‌س كردووه كه باوكێك و كوڕه‌كه‌ی و كوڕه‌زاكه‌ی بوون.
ئاماژه به‌وه‌شكراوه، دوای ڕووداوه‌كه هێزێكی ئه‌منی گه‌یشتنه ناوچه‌كه و گه‌مارۆیاندا، هه‌روه‌ها ده‌ستیان كرد به گه‌ڕان به شوێن تاوانباران به‌مه‌به‌ستی كردنه‌وه‌ی لێكۆڵینه‌وه بۆ دیاریكردنی بارودۆخی ڕووداوه‌كه.
ئه‌وه‌شخراوه‌ته‌ڕوو، تاوه‌كو ئێستا ئه‌و دوو كه‌سه‌ی ته‌قه‌یان كردوه ده‌ستگیرنه‌كراون و هۆكاری سه‌ره‌كی ئه‌و رووداوه‌ش نه‌زانراوه.
کۆمێنت (0)
تا ئێستا هیچ کۆمێنتێک نەکراوە.