لە شارۆچكەی مەنسووڕییە لە سنووری پارێزگای دیالە، بەهۆی خواردن لە چێشتخانەیەك زیاتر لە 70 كەس تووشی ژەهراوی بوون.
چێشتخانەكە لە ناوەڕاستی شارۆچكەی مەنسووڕییە بووە و تایبەت بووە بە خواردنە خێراكان، هەموو ئەو كەسانەی ئەمڕۆ سێشەممە خواردنیان لە چێشتخانەكە خواردووە، تووشی ژەهراوی بوون.
بەهۆی زۆری تووشبووانەوە بەشێك لەوانەی تووشی ژەهراوی هاتبوون رەوانەی نەخۆشخانەی بەعقووبە و بەشێكی تری رەوانەی پارێزگای دیالە كراون.
هەر دوای رووداوەكە، تیمەكانی چاودێری چوونەتە چێشتخانەكە و دایان خستووە، لێكۆڵینەوەكانیش تا ئێستا لە هۆكارەكەی بەردەوامە.
کۆمێنت (0)
تا ئێستا هیچ کۆمێنتێک نەکراوە.