دوای ئه‌وه‌ی له گه‌ڕی یه‌كه‌می هه‌ڵبژاردنی پێشوه‌خته‌ی سه‌رۆككۆماری ئێران هیچ كاندیدێك نه‌یتوانی رێژه‌ی زۆرینه‌ی ره‌های ده‌نگه‌كان به‌ده‌ست بێنێت هه‌ر كام له مه‌سعود پزیشكیان و سه‌عیدی جه‌لیلی ركابه‌ری كه زۆرترین ده‌نگیان به‌ده‌ست هێنابوو چوونه گه‌ڕی دوه‌می هه‌ڵبژاردنه‌كه.
له گه‌ڕی یه‌كه‌مدا مەسعود پزیشکیان10 ملیۆن و چوارسه‌د و پازده هەزار و نۆسه‌د و نه‌وه‌د و یه‌ك دەنگی به‌دست هێناوه.
هه‌روه‌ها سەعید جەلیلى 9 ملیۆن و چوارسه‌د و حه‌فتا و سێ هەزار و دووسه‌د و نه‌وه‌د وهه‌شت دەنگی به‌دست هێناوه.
به پێی یاسای هه‌ڵبژاردنی ئێران، له‌ئه‌گه‌ری سه‌رنه‌كه‌وتنی هیچ كام له كاندیه‌كان، هه‌فته‌یه‌ك دوای گه‌ڕی یه‌كه‌م ، گه‌ڕی دووه‌می هه‌ڵبژاردن به‌ڕێوه‌دچێت كه ده‌بێـته رۆژی هه‌ینی داهاتوو پێنجی ته‌مووز.
به پێی میدیاكانی ئێران ئه‌مڕۆ یه‌كشه‌مه 30ی6ی2024 بانگه‌شه‌ی هه‌ڵبژاردن له نێوان هه‌ركام له مه‌سعود پزیشكیان و سه‌عیدی جه‌لیلی ركابه‌ری ده‌ستی پێكردووه و تا چوارشه‌مه‌ی ئه‌م هه‌فته‌یه به‌رده‌وام ده‌بێـت و رۆژی هه‌ینی گه‌ڕی دوه‌می هه‌لبژاردنی سه‌رۆككۆماری داهاتوی ئێران له نێوان مه‌سعود پزیشكیان و سه‌عیدی جه‌لیلی به‌ڕێوه‌ده‌چێت.
کۆمێنت (0)
تا ئێستا هیچ کۆمێنتێک نەکراوە.