وەزارەتی پێشمەرگەی حكومه‌تی هه‌رێمی كوردستان كۆبووه‌وه و تێدا دوایین گۆڕانکارییەکان و بەرەوپێشوەچوونەکانی فیرقەکانی پیادە تاوتوێ کران. هه‌روه‌ها دوایین قۆناغەکانی دروست بوونی فیرقەکانی سێ و چواری تاوتوێ كرد.
له راگه‌یه‌نداراوێكدا وەزارەتی پێشمەرگەی حكومه‌تی هه‌رێمی كوردستان رایگه‌یاند، بە سەرپەرشتی لیوا روکن هۆشمەند حەیدەر جێگری سەرۆکی ئەرکان بۆ ئیدارە و میرە، بە ئامادەبوونی لیوا روکن نەجمەدین جێگری سەرۆکی ئەرکان بۆ مەشق و ئۆپەراسیۆنەکان، کۆڵۆنێڵ مەکێنزی فەرماندەی هێزەکانی هاوپەیمانان لە هەرێمی کوردستان، تیمی راوێژاکارانی هێزەکانی هاوپەیمانان لە وەزارەتی پێشمەرگە، نوێنەری فەرماندەیی هێزەکانی حه‌فتا و هه‌شتا، فەرماندە و نوێنەرانی فیرقەکانی 1 و2 و3ی پیادە، کۆبوونەوەی دەوری هاوبەشی فیرقەکانی پیادەی وەزارەتی پێشمەرگە بەڕێوەچوو.
ئاشكراشی كرد، لەو کۆبوونەوەیەدا، دوایین گۆڕانکارییەکان و بەرەوپێشوەچوونەکانی فیرقەکانی پیادە تاوتوێ کران. هەروەها گفتوگۆ لەبارەی دوایین قۆناغەکانی دروست بوونی فیرقەکانی سێ و چوار کرا.
کۆمێنت (0)
تا ئێستا هیچ کۆمێنتێک نەکراوە.