شارەزایەكی كەشوهەوا وادەی كۆتاهاتنی ئەم شەپۆڵە گەرمایەی ئاشكرا كرد كە ماوەی چەند رۆژێكە بەشێكی زۆری ناوچەكانی هەرێمی كوردستان و عێراقی گرتۆتەوە كە لە هەندێ شوێن گەیشتۆتە 50 پلەی سیلیزی.
عەلی جابر كە شارەزایەكی كەشوهەوای عێراقییە رایگەیاند: ئەم شەپۆڵەی گەرما تا رۆژی شەممەی داهاتوو بەردەوامی دەبێت كە لە هەندێ پارێزگای ناوەڕاست و باشووری عێراق دەگاتە 50 پلەی سیلیزی.
راشیگەیاند: سبە و دووسبەی كەشوهەوا زۆر گەرم دەبێت بەتایبەتیش لە كاتەكانی دوای نیوەڕۆدا و هەڵكردنی بای گەرمیش كەشوهەواكە زیاتر گەرم دەكات، بەڵام لە كاتەكانی شەودا پلەكانی گەرما كەمێك باشتر دەبن.
هەروەها رایگەیاند: لە رۆژی یەكشەممەی داهاتووەوە پلەكانی گەرما بەشێوەی وردە وردە روو لە دابەزین دەكەن بەشێوەیەك كە لە رۆژی دووشەممەدا 4 پلەی سیلیزی دادەبەزێت.
ماوەی چەند رۆژێكە پلەكانی گەرما لە تەواوی عێراق بەشێوەیەكی بەرچاو بەرزبوونەتەوە و بەشێوەیەك كە لە زۆرێك لە پارێزگاكان گەیشتووەتە نیوەی پلەی كوڵان و 50 پلەی سیلیزی.
کۆمێنت (0)
تا ئێستا هیچ کۆمێنتێک نەکراوە.