حووسییەکان لە یەمەن بڵاویانکردەوە ئەمریکا و بەریتانیا لە کانوونی دووەمەوە تا ئێستا 30 هێرشی ئاسمانییان کردووەتە سەر فڕۆکەخانەی نێودەوڵەتی حودەیدە.
بەپێی هەواڵێکی ئاژانسی هەواڵی SABA، حووسییەکان ئاماژەیان بەوە کردووە کە ئەمریکا و بەریتانیا لە مانگی کانوونی دووەمەوە تا ئێستا 30 جار فڕۆکەخانەی نێودەوڵەتی حودەیدەیان کردووەتە ئامانج بەو مەبەستەی یەمەن پاشگەزببێتەوە لە پشتیوانی کردنی فەڵەستین.
حووسییەکان ئەمریکا و بەریتانیایان بەرپرسیار کرد لە هەر زیانێک بەر فڕۆکەخانەکە کەوتبێت و، جەختیان لەسەر ئەوە کردەوە کە ئەم هێرشانە پێشێلکاریین بەرامبەر هەموو بەڵێننامە و ڕێککەوتنەکان کە کردنە ئامانجی فڕۆکەخانەی مەدەنی بە تاوان ئەژمار دەکەن.
هاوکات حووسییەکان داوایان لە کۆمەڵگەی نێودەوڵەتیی و نەتەوە یەکگرتووەکان کرد ئیدانەی هێرشەکانی سەر فڕۆکەخانەکە بکەن و ڕەتی بکەنەوە، کە درێژەیان هەیە.
کۆمێنت (0)
تا ئێستا هیچ کۆمێنتێک نەکراوە.