سەرلەئێوارەی ئەمڕۆ دووشەممە و كەمێك پێش ئێستا لە گەرەكێكی شاری هەولێر شەڕ لەنێوان چەند كەسێك دروست بووە و تەقە كراوە، بەهۆیەوە كوژراو و بریندار هەیە.
پەیامنێری (كوردستان تیڤی) پێی راگەیاندین: شەڕەكە لە گەڕەكی هەولێری نوێ لە نزیك شەقامی 120 مەتری دروستبووە.
راشیگەیاند: بەگوێرەی زانیارییە سەرەتاییەكان شەڕەكە لەسەر زەوییەكی بازرگانی دروست بووە لەسەر شەقامی 120 مەتری كە نرخەكەی دەیان ملیۆن دۆلار دەبێت.
پەیامنێرمان ئاماژەی بەوەش دا كە لە ئەنجامی شەڕەكە دوو كەس كوژراون و پێنج كەسی تریش بە برینداری گەیەنراونەتە نەخۆشخانەی فریاكەوتن كە برینی هەندێكیان سەخت و مەترسیدارە.
کۆمێنت (0)
تا ئێستا هیچ کۆمێنتێک نەکراوە.