ئەمڕۆ دووشەممە وەزارەتی دارایی و ئابووری حكوومەتی هەرێمی كوردستان لیستی مووچەی مانگی پێنج (ئایار)ی فەرمانبەرانی هەرێمی كوردستانی بڵاو كردەوە، بەگوێرەی لیستەكە سەرجەم فەرمانبەران لە ماوەی 3 رۆژدا (لە سێشەممە تا پێنجشەممە) مووچەكانیان وەردەگرن.
وەزارەتی دارایی رایگەیاند: ئەمڕۆ دووشەممە بڕی 419 ملیار و 190 ملیۆن دینار وەک شایستەی مووچەی مانگی ئایاری فەرمانبەرانی هەرێمی کوردستان خرایە سەر هەژماری بانکی وەزارەتی دارایی و ئابووری هەرێمی کوردستان.
بەگوێرەی لیستەكەی وەزارەتی دارایی، سبەی سێشەممە 11/6/2024 دەست بە دابەشکردنی مووچەی مانگی ئایاری فەرمانبەران دەکرێت، هەروەها رۆژی پێنجشەممە كۆتایی دێت.
وەزارەتی راشیگەیاند: خانەنشینی سەربازی لە لیستەکەدا نییە، بەهۆی نەگەیشتنی تەمویلەکانیان لەلایەن وەزارەتی دارایی حکوومەتی فیدراڵەوە.
جەختیشی كردەوە كە هەر کات تەمویلی خانەنشینی سەربازی گەیشت، وەزارەتی دارایی و ئابووری دەستبەجێ دەست بە دابەشکردنی مووچەکانیان دەکرێت.
ئەمەی خوارەوە لیستی مووچەی مانگی پێنجی فەرمانبەرانی هەرێمی كوردستانە:-
کۆمێنت (0)
تا ئێستا هیچ کۆمێنتێک نەکراوە.