پاسێكی گەشتیاری توركیا لە شاری هەولێر 135 سەرپێچی تیژڕۆیی ئەنجامداوە و بەهۆیەوە دەیان ملیۆن دیناری لێ سەندرا.
بەڕێوەبەرایەتی هاتوچۆی هەولێر ئەمڕۆ پێنجشەممە وێنەی پاسێكی گەشتیاری توركیای بڵاو كردۆتەوە و دەڵێت "ئەو پاسە ژمارەی وڵاتی تورکیای لەسەرە و کاری گواستنەوەی گەشتیاران دەکات، لەنێوان هەرێمی کوردستان و وڵاتی تورکیا لەماوەی گەشتەکانیدا (135) جار سەرپێچی تیژڕۆیی ئەنجامداوە".
هەروەها دەڵێت " سەرپێچییەكانی پاسەكە زیاتر لە شەقام و ڕێگاکانی شاری هەولێر بووە".
بەڕێوەبەرایەتی هاتوچۆی هەولێر ئاماژەی بەوەش دا كە بەهۆی ئەنجامدانی سەرپێچییەكان، لەلایەن هاتووچۆی هەولێرەوە دەست بەسەر پاسەكەدا گیرا و هەروەها بە بڕی 37 ملیون دینار سزا درا.
کۆمێنت (0)
تا ئێستا هیچ کۆمێنتێک نەکراوە.