دوو تۆمەتبار كه‌ فه‌رمانی ده‌ستگیركردنیان هه‌بوو دەستگیركران

مەفرەزەكانی نوسینگەی بەكرەجۆی نەهێشتنی تاوانی سلێمانیی دوو تۆمەتباریان دەستگیركرد كە لەدادگای كەتنی دووی سلێمانی فەرمانی گرتنیان هەبووە.

ئه‌مڕۆ دووشه‌ممه‌ 3ی6ی2024، له‌ راگه‌یه‌ندراوێكدا به‌ڕێوه‌به‌رایه‌تی پۆلیسی پارێزگای سلێمانی بڵاویكرده‌وه‌، دوای ئەوەی  دادوەری لێكۆڵینەوە بەپێی ماددەی (446) لەیاسای سزادانی عیراقی بڕیاری دەستگیركردنی بۆ دوو تۆمەتبار دەركرد، هێزەكانی پۆلیس لێكۆڵینەوەو بەدواداچوونەكانیان دەستپێكردو سەرەنجام و دوای لێكۆڵینەوەكان و چاودێری كردنیان، توانرا لەلایەن مەفرەزەكانی نوسینگەی نەهێشتنی تاوانی بەكرەجۆوە هەردوو تۆمەتبار بدۆزرێنەوەو لەگەڕەكی بەكرەجۆ لەشاری سلێمانی دەستگیربكرێن.

پۆلیس ئاماژه‌ی به‌وه‌ش داوه‌، لەئێستادا هەریەك لەتۆمەتباران (ن، أ، م) لەدایکبووی 1958  كە پێشینەی تاوانی هەیەو  (ع، س، ت)  لەدایکبووی  1954 بەبڕیاری  دادوەر ڕاگیراون.