ب ئامادەبونا پارێزگارێ دھۆکێ ئێکەم کاروانێ حەجیێن پارێزگەھا دھۆکێ بو جھێن پیروز ھاتە ب رێئێخستن

ئەڤرو سپێدێ   رۆژا سێشەمبی     28/گولانا  /2024ێ    ل گورەپانا مزگەفتا حەجی ئەحمەد ل باژێرێ دھۆکێ ب ئامادەبونا  د.عەلی تەتەر پارێزگارێ دھۆکێ وبەرێزان ئسماعیل مەحەمەد دەڤەردارێ دھۆکێ ورێڤەبەرێ گشتی یێ ئەوقافێ وسەروکێ ئێکەتیا زانایێن ئاینی ئیسلامی لقێ دھۆکێ وکەس وکارێن حەجیا ئێکەم کاروانێ حەجیێن پارێزگەھا دھۆکێ کو یێ پێک ھاتی بوو ژ(132) کەسا بۆ جھێن پیرۆز ل عەرەبستانا سعودیێ ھاتە ب رێئێخستن.
پارێزگارێ دھۆکێ دپەیڤەکێدا پیرۆزباھی ل ھەموو حەجیا وکەس وکارێن وان کر وداخازا سلامەتیێ بۆ  کر وگوت: ھیڤی دارین ژخودایێ مەزن ودلۆڤان حەجا وان  بھێتە  قەبولکرن  و ھەموو حەجی مەراسیمێن خو ل جھێن پیرۆز ب ئارامی وتەمامی ئەنجامدەن  .
سەبارەت بەرھەڤیێن پێشوەخت ھاتینە کرن بۆ حەواندن وپێشوازیکرنا حەجیا ل سعودیێ پارێزگارێ دھۆکێ گوت: بەری نوکە مە شاندەکێ کارگێری وشیرەتکاری ھنارتیە  سعودیێ  بۆ وێ یەکێ کوجھێ ڤەحەواندنێ ودابینکرنا خارن وڤەخارنا وکاروبارێن رۆژانە یێن حەجیێن پارێزگەھێ بھێتە دابینکرن .
ھەژی گوتنێ یە بۆ ئەڤ ساڵە 2024 ب رێکا پشک کێشانێ ناڤێ (1200) کەسا ژخەلکێ پارێزگەھێ دەرکەتیە کو مەراسیمێن حەجێ ئەداکەن.