ئاژانسی بۆشایی ئاسمانی ئەمەریكی (ناسا) رایگەیاند كە پلانیان هەیە بۆ ئەوەی هێڵێكی ئاسنینی شەمەندەفەر لەسەر رووی مانگ دروست بكەن.
ئیسیان شالەر كە پسپۆڕی رۆبۆتە لە ئاژانسی ناسا رایگەیاند: ئامانجمان ئەوەیە یەكەمین سیستەمی هێڵی شەمەندەفەری ئۆتۆماتیكی لەسەر مانگ بنیاد بنێین بۆ گواستنەوەی كەلوپەلەكان.
راشیگەیاند: دروستكردنی هێڵی شەمەندەفەرەكە زۆر گرینگ دەبێت بۆ كاروبارەكانی رۆژانەی سەر رووی مانگ، كاری شەمەندەفەرەكەش تەنیا گواستنەوەی كەلوپەلەكان دەبێت نەك كەشتیوانەكان و دەتوانێت بەیەكجار 110 تەن لە شوێنێكەوە بگوازێتەوە شوێنێكی تر.
پسپۆڕەكەی رۆبۆت گوتیشی كە هێڵی شەمەندەفەرەكەی سەر رووی مانگ بە رۆبۆتەكان دروست دەكەن و لەسەر زەوییەوە فەرمانیان پێ دەكەن، هەروەها شەمەندەفەرەكە بە هێزی كارۆموگناتیسی كار و جوولە دەكات.
کۆمێنت (0)
تا ئێستا هیچ کۆمێنتێک نەکراوە.