بەڕێوەبەرایەتی هاتوچۆی هەولێر رایگەیاند كە دەستیان بەسەر ئۆتۆمبێلێكی تایبەتدا گرتووە بەهۆی ئەوەی تابلۆكەی ساختە كردووە.
هاتوچۆی هەولێر بڵاوی كردەوە: تیمەکانی هاتوچۆ هەستان بە دەستبەسەرداگرتنی ئۆتۆمبێلێک کە تابلۆکەی ساختە کردبوو.
بڵاویشی كردەوە كە ئێستا ئۆتۆمبێلەكە لە گۆڕەپانی دەستبەسەرداگرتنی بەڕێوەبەرایەتییەكەیان ڕاگیراوە و ڕێکاری یاسایی بەرامبەر دەگیرێتەبەر.
هاتوچۆی هەولێر ئاگاداری شوفێرانیشی كردەوە كە بە هیچ جۆرێک دەستکاری تابلۆی ئۆتۆمبێلەکانیان نەکەن و تابلۆی ساختە بەکار نەهێنن، چونکە لە ڕووی یاساوە ساختەکردن (تزویر)ی تابلۆ بە تاوان هەژمار دەکرێ و ڕووبەڕووی دادگا دەکرێنەوە سزای توندی لەسەرە.
کۆمێنت (0)
تا ئێستا هیچ کۆمێنتێک نەکراوە.