بەڕێوەبەرایەتیی گشتیی سەرچاوەكانی ئاو ئاشكرای كرد كە بە هۆی دەستدرێژی و بێڕێزی چەند هاووڵاتییەک لە پڕۆژەیەکدا کە بۆ خزمەتی خودی خۆیان دروستکراوە لە بودجە و پارەی ئەم وڵاتە، خەریکبوو کارەساتێک بنێنەوە.
بەڕێوەبەرایەتییەكە بڵاوی كردەوە: ئەو کەسانە هەستاون بە داخستن و پڕکردنەوەی رێژگە (سپیڵ وەی) و ئەو رێرەوە ئاوییەی کە دروستکراوە بۆ ئەوەی لە کاتی لافاو یان پڕبوونی پۆندەکە ئاوە زیادەکە لە رێی ئەو رێڕەوەوە بڕوات و گوشار لەسەر پۆندەکە دروست نەبێت.
بڵاویشی كردەوە: ئەو هاووڵاتییانە ئەو رێڕەوەیان بە ئەنقەست داخستبوو و دوێنێ تیمەکانمان لەو دۆخە سەختەدا چوون رێرەوەکەیان کردەوە.
بەڕێوەبەرایەتییەكە ئاماژەی بەوەش دا كە پێشتر چەند جارێك ئەو هاووڵاتییانە ئاگادارکراونەتەوە ئەو کارە نەکەن تەنانەت پەنا براوەتە بەر دادگا و ئیدارەی ناوچەکەش.
داواشی كرد هەمووان لە ئاست بەرپرسیارێتیدابن و لانی کەم زیان لەو پڕۆژانە نەدەن کە سوودیان بۆ خۆیان هەیە.
کۆمێنت (0)
تا ئێستا هیچ کۆمێنتێک نەکراوە.