بەگوێرەی زانیارییەكان تا ئێستا تۆمەتبار و بكوژی ئوم فەهد بلۆگەری ناسراوی عێراقی نەناسراوەتەوە و تا ئێستاش دەستگیر نەكراوە.
شەوی رابردوو ئوم فەهد بلۆگەری ناسراوی عێراقی لەنێو ئۆتۆمبێلەكەی لە ناوەڕاستی شاری بەغدا لەلایەن لێخوڕی ماتۆڕسكیلێكەوە دەسڕێژی گولـلەی لێ كرا و كوژرا.
وەزارەتی ناوخۆی عێراق لەبارەی بكوژەكانەوە رایگەیاند: تا ئێستا بكوژی ئوم فەهد نەناسراوەتەوە و دەستگیریش نەكراوە.
راشیگەیاند: لێكۆڵینەوەكانمان لەبارەی رووداوەكە دەستپێكردووە و لە هەوڵی دۆزینەوە و دەستگیركردنی تاوانبارانین.
ئەم روونكردنەوەیەی وەزارەتی ناوخۆی عێراق دوای ئەوە هات كە شەوی رابردوو لە بەشێك لە تۆڕەكانی كۆمەڵایەتی و میدیاكان وا بڵاو كرابووەوە كە بكوژی ئوم فەهد دەستگیركراوە.
میدیاكان هۆكاری سەرەكی كوشتنی ئوم فەهد بلۆگەری ناسراوی عێراقی بۆ وتەكانی ئەم دواییە لە تۆڕەكانی كۆمەڵایەتی دەگەڕێننەوە كە لەبارەی هەندێك ئەفسەر و بەرپرسی سەربازی عێراقی كردبووی.
کۆمێنت (0)
تا ئێستا هیچ کۆمێنتێک نەکراوە.