بەڕێوەبەرایەتیی گشتیی كەشناسی و بوومەلەرزەزانی رەوشی كەشوهەوای ئەمڕۆ هەینی و سبەی شەممەی ناوچەكانی هەرێمی كوردستانی بڵاو كردەوە، بەگوێرەی بڵاوكراوەكەش بێت هەردوو رۆژەكە كەشوهەا گونجاو دەبێت بۆ ئەوەی هاووڵاتییان گەشت و سەیرانی تێدا ئەنجام بدەن.
كەشناسی سەبارەت بە كەشوهەوای ئەمڕۆ هەینی رایگەیاند: ئاسمان لەنێوان پەڵەهەور و نیمچەهەوردا دەبێت، پلەکانی گەرماش نزیک دەبێتەوە بەراورد بە تۆمارکراوەکانی دوێنێ پێنجشەم .
راشیگەیاند: خێرایی با لە ئەمڕۆدا لەسەرخۆ - مامناوەند دەبێت و ئاراستەكەشی بەرەو باكوری خۆرئاوا دەبێت.
سەبارەت بە كەشوهەوای سبەی شەممەش، كەشناسی رایگەیاند: بەهەمانشێوەی ئەمڕۆ هەینی، سبەی ئاسمان لەنێوان پەڵەهەور و نیمچەهەوردا دەبێت، هەروەها پلەکانی گەرماش کەمێک نزمتر دەبێتەوە بە ڕێژەى (1-2) پلە بەراورد بە تۆمارکراوەکانی ئەمرۆ هەینی.
هەروەها خێرایی لەسەرخۆ – مامناوەند و دەبێت و ئاراستەكەشی بەهەمانشێوە باکووری خۆرئاوا دەبێت .
ئەمەی خوارەوەش پلەكانی گەرمای پێشبینیكراوی شارەكانە بە پلەی سیلیزی:-
هەولێر: 29
سلێمانی: 28
دهۆك: 29
زاخۆ: 30
هەڵەبجە: 30
کەرکووک: 32
سۆران: 26
حاجی ئۆمەران: 18
گەرمیان: 34
کۆمێنت (0)
تا ئێستا هیچ کۆمێنتێک نەکراوە.