سوپای ئیسرائیل ڕایگەیاند، ئێران بە 290 هاژه‌ك و فڕۆکەی بێ فڕۆکەوان کە زیاتر لە 100 دانەیان هاژه‌كی بالیستی بوون، هێرشی کردووە.
میدیای فەرمی ئیسرائیل KAN، لە زمان سەرچاوەکانی ناو سوپای ئیسرائیلەوە بڵاوی کردەوە کە، شەوی ڕابردوو ئێران بە 100 هاژه‌كی بالیستی، 30 هاژه‌كی کرۆز و 160 فڕۆکەی بێ فڕۆکەوان ئیسرائیلی کردووەتە ئامانج.
هاوکات لەگەڵ هێرشەکانی ئیران، لە لوبنانیشەوە 40 هاژه‌ك و لەهەرکام لە عێراق و یەمەنیش یەک هاژه‌ك و فڕۆکەی بێ فڕۆکەوان ئاراستە کراوە.
سوپای ئیسرائیل و فڕۆکە جەنگییەکان بە فەرماندەیی ئەمریکا و بەشێکی دیکە لە وڵاتان زیاتر لە 20 مووشەکی کروزیان بەر لەوە بگاتە خاکی ئیسرائیل تێکشکاند.
لە هەواڵەکەدا جەخت لەوەش کراوەتەوە کە، هیچ هاژه‌كێكی کرووز ئامانجەکەی نەپێکاوە و تەنیا هاژه‌كه بالیستیکەکان زیانێکی کەمیان بە ژێرخانی ئیسرائیل گەیاندووە.
کۆمێنت (0)
تا ئێستا هیچ کۆمێنتێک نەکراوە.