لە پەیامی پیرۆزباییی جەژنی پیرۆزی رەمەزاندا، مەكتەبی سیاسی پارتی دیموكراتی كوردستان رایگەیاند كە هیوادارن جەژن ببێتە هەوێنی بەهێزكردنی گیانی برایەتی و ئاشتەوایی و پێكەوەژیان بێت لە كوردستان.
دەقی پەیامی پیرۆزبایی مەکتەبی سیاسیی پارتی دیموکراتی کوردستان بە بۆنەی جەژنی پیرۆزی ڕەمەزان
بە بۆنەی هاتنەوەی جەژنی پیرۆزی ڕەمەزان، گەرمترین پیرۆزبایی لە سەرجەم موسڵمانانی کوردستان و جیهان دەکەین، پیرۆزبایی تایبەتمان ئاراستەی کەسوکاری سەربەرزی شەهیدە نەمرەکانمان و هێزی پێشمەرگەی کوردستان دەکەین، هیوادارین ئەو بۆنە پیرۆزە ببێتە مایەی خێر و خۆشی بۆ هاووڵاتییان و تێکڕای کوردستانیانی خۆشەویست.
بەو بۆنە پیرۆزەوە دووپاتی دەکەینەوە، کە ئێمە لە پارتی دیموکراتی کوردستان وەک هەمیشە جەخت لەسەر هاوڕیزی و هەماهەنگی سەرجەم حزب و هێزو لایەنە سیاسییەکان دەکەینەو بۆ پاراستن و داکۆکیکردن لە سەقامگیریی سیاسیی هەرێم و فەراهەمکردنی ئارامی و ئاسوودەیی و دابینکردنی خۆشگوزەرانی بۆ هاووڵاتییانی کوردستان.
هیوادارین جەژنی پیرۆزی ڕەمەزان، هەوێنی بەهێزکردنی گیانی برایەتی و ئاشتەوایی کۆمەڵایەتی و پێکەوەژیانی زیاتر بێ لە کوردستاندا، جەژنێکی هیوابەخش بێت بۆ گەلەکەمان و، هەموولایەک جەژنێکی شاد و بەختەوەر بەسەر بەرن..
مەکتەبی سیاسیی
پارتی دیموکراتی کوردستان
9ی نیسانی 2024
کۆمێنت (0)
تا ئێستا هیچ کۆمێنتێک نەکراوە.