دەستەی كەشناسی و بوومەلەرزەزانی عێراق رایگەیاند كە سبەی دووشەم بارانبارین بەردەوام دەبێت، بەڵام دووسبەی سێشەم كەشوهەوا خۆش دەبێتەوە و باران نامێنێت.
عامڕ جابری بەڕێوەبەری راگەیاندنی دەستەی كەشناسی و بوومەلەرزەزانی عێراق رایگەیاند: ئەمڕۆ باران بە ڕێژەیەكی باش لە بەشێكی زۆری ناوچەكانی هەرێمی كوردستان و پارێزگاكانی ناوەڕاست و باشووری عێراق باریوە.
راشیگەیاند: ئەم شەپۆڵەی بارانبارین بۆ سبەی دووشەمیش لە تەواوی عێراق بەردەوامی دەبێت.
ئاماژەی بەوەش دا كە دووسبەی سێشەم كەشوهەوای هەرێمی كوردستان و عێراق ئارام دەبێتەوە و ئاسمان خۆرهەتاو دەبێت و هەور نامێنێت.
کۆمێنت (0)
تا ئێستا هیچ کۆمێنتێک نەکراوە.