پۆلیسی پارێزگای كەركووك دەستگیركردنی 33 كەسی راگەیاند كە بەشێوەی نهێنی و لە هۆڵێكی وەرزشیدا بەم مانگی رەمەزانە هەڵسابوون بە ئەنجامدانی قومار.
پۆلیسی كەركووك بڵاوی كردەوە: دوای وەرگرتنی زانیارییەكان، هێزەكانی پۆلیس بەسەر هۆڵێكی وەزرشییان دادا كە كۆمەڵێك بازرگان و كەسی دەوڵەمەند تێیدا خەریكی ئەنجامدانی قوماكردن بوون.
بڵاویشی كردەوە: سەرجەم تۆمەتبارەكان و ئەوانەشی لە هۆڵەكەدابوون لە كاتی ئەنجامدانی قوماركردنەكەدا دەستگیركران كە ژمارەیان 33 كەس بوو.
ئاماژەی بەوەش دا كە هێزەكانی پۆلیس دەستیان گرت بەسەر پارە و سەرجەم ئەو كەلوپەلانەی كە قومارەكانی پێ ئەنجام دەدرا، هەروەها تۆمەتبارەكانیش بە فەرمانی دادوەر و بە ماددەی 389 یاسای سزادانی عێراقی دەستبەسەركران.
کۆمێنت (0)
تا ئێستا هیچ کۆمێنتێک نەکراوە.