سەرۆکی دەزگای شەھیدانی عێراق، عەبدولئیلاھـ نائیلی ڕایگەیاند کە چوار گۆڕی بەکۆمەڵ لە پارێزگای ئەنبار دۆزراونەتەوە و ئاماژەی بەوەشدا کە قوربانیان لەلایەن تیرۆریستانەوە داعشەوە کوژراون.
عەبدولئیلاھـ نائیلی لە لێدوانێکیدا بۆ رۆژنامەی "سەباح"ی نیمچە فەرمی ئاشکرای کردووە کە تیمێکی تایبەتمەند و شارەزا سەربە دەزگای شەھیدانی عێراق، چوار گۆڕی بەکۆمەڵیان لە پارێزگای ئەنبار دۆزیوەتەوە و گوتی: "سێ لە گۆڕە بەکۆمەڵەکان لە ناوچەی تاش باشووری شاری ڕومادی سەنتەری پارێزگای ئەنبار دۆزراونەتەوە و ئەوەی دیکەش لە ناوچەی زراعییە سەربە قەزای ڕومادی دۆزراوەتەوە".
ئاماژەی بەوەشدا کە قوربانییەکانی نێو گۆڕەکان، لەلایەن تیرۆریستانەوە داعشەوە کوژراون.
کۆمێنت (0)
تا ئێستا هیچ کۆمێنتێک نەکراوە.