فەرماندەیی ناوەندی ھێزەکانی ئەمریکا (CENTCOM) ڕایگەیاند، دوو فڕۆکەی بێفڕۆکەوانیان لە دەریای سوور خستووەتەخوارەوە کە لەلایەن حووسییەکانەوە لە یەمەن ئاراستەی ناوچەکە کرابوون.
فەرماندەیی ناوەندی ھێزەکانی ئەمریکا لە ڕاگەیاندراوێکدا ئاماژەی بەوەداوە کە حووسییەکان لە یەمەن، مووشەکێکی بالیستییان بۆ بە ئامانجگرتنی کەشتی جەنگی "USS Laboon"ی ئەمریکا ئاراستەی دەریای سوور کردووە.
ڕاشیگەیاندووە کە مووشەکەکە ئامانجەکەی نەپێکاوە و لە دەریای سوور کەوتووەتەخوارەوە و ھیچ زیانێکیش بەر کەشتییەکە نەکەوتووە.
ئەوەشی خستووەتەڕوو ھێزەکانی ئەمریکا و ھاوپەیمانان دوو فڕۆکەی بێفڕۆکەوانیان لە دەریای سوور خستووەتەخوارەوە کە لەلایەن حووسییەکانەوە لە یەمەن ئاراستەی ناوچەکە کرابوون.
تا ئێستا حووسییەکان، ھیچ ڕاگەیاندراوێکیان لەوبارەیەوە بڵاونەکردووەتەوە.
کۆمێنت (0)
تا ئێستا هیچ کۆمێنتێک نەکراوە.