سەرۆکی حکوومەتی هەرێمی کوردستان ئەمڕۆ یەکشەم پەیامێکی بە بۆنەی هاتنی مانگی ڕەمەزانی پیرۆز بڵاوکردەوە.
مەسرور بارزانی سەرۆکی حکوومەتی هەرێمی کوردستان رایگەیاند: بە بۆنەی هاتنی مانگی پیرۆزی ڕەمەزان، گەرمترین پیرۆزبایی لە موسڵمانانی کوردستان و جیهان دەکەم، هیوادارم مانگی خێر و خۆشی و ئاشتی و ئارامی بێت.
مەسرور بارزانی هەروەها رایگەیاند: لە خوای گەورە و میهرەبان دەپاڕێینەوە كە نوێژ و ڕۆژوو و عیبادەتی هەموومان قبوڵ بكات و مانگی پیرۆزی ڕەمەزان ببێتە مایەی خۆشگوزەرانی و کۆتاییهاتنی نەهامەتی و قەیرانەکان لە جیهاندا.
وەزارەتی ئەوقاف و كاروباری ئایینی حكوومەتی هەرێمی كوردستان ئێوارەی ئەمڕۆ یەكشەم لە كۆنگرەیەكی رۆژنامەوانیدا رایگەیاند كە بەڵگەی شەرعی لە هەرێمی كوردستان مانگ بینراوە و بەمەش سبەی دووشەم یەكەم رۆژی مانگی رەمەزانی پیرۆز دەبێت.
کۆمێنت (0)
تا ئێستا هیچ کۆمێنتێک نەکراوە.