كۆمیسیۆن وادەی تۆماركردنی كاندیدەكان بۆ هەڵبژاردنی پەرلەمانی كوردستان دیاری دەكات

كۆمیسیۆنی باڵای سەربەخۆی هەڵبژاردنەكان ئەمڕۆ یەكشەم بە فەرمی وادەیەكی بۆ پێشكەشكردنی ناوی كاندیدەكان بۆ هەڵبژاردنی پەرلەمانی كوردستان دیاری كرد.

كۆمیسیۆن لە راگەیەنراوێكدا رایگەیاند: لە رۆژی چوارشەم رێكەوتی 13/3/2024 دەرگەی تۆماركردنی ناوی كاندیدەكان بۆ هەڵبژاردنی پەرلەمانی كوردستان دەكرێتەوە.

راشیگەیاند: دەرگەی تۆماركردن تا رۆژی هەینی رێكەوتی 22/3/2024 بەردەوام دەبێت.

ئەمە لەكاتێكدایە كە رۆژی 3ی ئەم مانگە، نێچیرڤان بارزانی سەرۆكی هەرێمی كوردستان بەفەرمی مەڕسوومی بەڕێوەچوونی هەڵبژاردنی پەرلەمانی كوردستانی واژۆ كرد كە تێیدا رۆژی 10/6/2024ی دیاری كرد بۆ بەڕێوەچوونی هەڵبژاردن.