Erbil 15°C شەممە 13 نیسان 02:44

خاوەنی كۆمپانیای مێتا لەبارەی راوەستانی ئاپەكانی فەیسبووك و ئینستگرام و ماسینجەر چی گووت؟

کوردستان TV
100%

خاوەنی كۆمپانیای (مێتا) ئاشكرای كرد كە راوەستانی ئاپەكانی تۆڕی كۆمەڵایەتی فەیسبووك و ئینستگرام و ماسینجەر بەهۆی كێشەیەكی تەكنیكی بووە و ئێستا چارەسەر كراوە.

مارك زۆكەربێرگ بەڕێوەبەری جێبەجێكار و خاوەنی كۆمپانیای مێتا لە تۆڕی كۆمەڵایەتی ئێكس بڵاوی كردەوە: كێشەكەمان چارەسەر كرد.

بڵاویشی كردەوە: لەوانەیە ئێستا ئەم پلاتفۆڕمە نەفرەتییە (كە مەبەستی تۆڕی كۆمەڵایەتی ئێكس بوو) بەجێبهێڵیت، چێژ وەربگرن.

ئێوارەی ئەمڕۆ سێشەم بەشێوەیەكی لەناكاو و چاوەڕواننەكراو لە سەرتاسەری جیهان، تۆڕەكانی كۆمەڵایەتی سەر بە كۆمپانیای مێتا (فەیسبووك، ئینستگرام و ماسینجەر) تووشی كێشەیەكی تەكنیكی ببوونەوە و بەهۆیەوە سەرجەم بەكارهێنەرانی كرابوونە دەرەوە.

لەبارەی راوەستانی ئاپەكان، مارك زۆكەربێرگ لە كاتێكی تردا گوتبووی "كێشەكە تەكنیكییە و چارەسەری دەكەین و دووبارە بەكاری دەخەینەوە".

زانست و تەکنۆلۆژیا هه‌مه‌ره‌نگ

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.