ئەگەری کەمێک نمە باران و به‌فربارین هەیە

کەشى پێشبینیکراوى 48 کاتژمێرى داهاتوو راگه‌یه‌ندرا.

به‌ڕێوه‌به‌رایه‌تی گشتی كه‌شناسی و بومه‌له‌رزه‌زانی هه‌رێمی كوردستان بڵاویكرده‌وه‌، ئه‌مڕۆ دووشه‌م 4ی3ی2024، ئاسمان نیمچه‌ هه‌ور ده‌بێت،  ئه‌گه‌ری كه‌مێك نمه‌ باران بارین له‌ ناوچه‌كانی باكووری پارێزگای سلێمانی و كه‌مێك به‌فربارین له‌ زنجیره‌ك شاخاوییه‌ سنوورییه‌كانی باكووری  ڕۆژهه‌ڵاتی هه‌رێم هه‌یه‌.

به‌رێوه‌به‌رایه‌تییه‌كه‌ راشیگه‌یاندووه‌، پله‌كانی گه‌رما  نزیك ده‌بێته‌وه‌ به‌ به‌راورد به‌ تۆماركراوه‌كانی دوێنێ یه‌كشه‌م.

به‌ڕێوه‌به‌رایه‌تی گشتی كه‌شناسی و بومه‌له‌رزه‌زانی هه‌رێمی كوردستان ڕاشیگه‌یاندووه‌، سبه‌ی سێشه‌م 5ی3ی2024، ئاسمان نیمچه‌ هه‌ورده‌بێت، له‌ كاته‌كانی دوای نیوه‌ڕۆ ئه‌گه‌ری كه‌مێك نمه‌ بارانی پچڕپچڕ هه‌یه‌ له‌ ناوچه‌ شاخاوییه‌كان.

راشگه‌یاندراوه‌، پله‌كانی گه‌رما نزیك ده‌بێته‌وه‌ به‌راورد به‌ تۆماركراوه‌كانی ئه‌مڕۆ دووشه‌م.

بەرزترین پلەکانی گەرمای پێشبینیکراو بە پلەی سیلیزی:

هەولێر: 16

سلێمانی:15

دهۆک: 16  
 
زاخۆ: 17

هەڵەبجە: 15

کەرکوک: 19

سۆران: 15

حاجی ئۆمەران: 5

گەرمیان: 21