سەرۆكایەتی شارەوانی هەولێر سەبارەت بەو هەواڵەی كە گوایە شارەوانی هەولێر پارچە زەویەكی سەوزایی دابەشكردووە ،ڕوونكردنەوەی بۆ ڕای گشتی راگەیاند كە تیایداهاتووە..
دوای ئەوەی لەلایەن كەسێكەوە گرتە ڤیدیۆیەك لە تۆڕی كۆمەڵایەتی فیسبووك بڵاوكراوەتەوە گوایە شارەوانیمان پارچە زەوییەكی سەوزایی دابەشكردووە.
لێرەوە وەك سەرۆكایەتی شارەوانی هەولێر ڕایدەگەیەنین سەر لەبەری ئەم هەواڵ و زانیاریانە دوورن لە ڕاستییەوە هیچ بنەمایەكی نییە و ئەو زەوییەی ئەو بەڕێزە باسی دەكات زەوییەكی نیشتەجێی هاووڵاتیان بووە و لەناو بلۆكێكی نیشتەجێ ،هەروەها وێنەی تۆماریان بەناوی هاووڵاتیان خۆیان بووەو بڕیاری دادگایان هەبووەوە لەلایەن هاووڵاتیانی دەوروبەری زێدەڕۆیی كراوەتە سەر، بۆیە هەموو ئەو زانیارییە چەواشەكارییە ڕەتدەكەینەوە و پێویست بوو ئەو بەڕێزە ووردتر هەڵوەستەی لەسەر ئەم بابەتە كردبا بە بەڵگەو دیكیۆمێنت قسەكانی پشتڕاست كردبایەوە ،نەوەك تاك لایەنە هەواڵ و زانیاری نادروست و هەڵە بڵاو بكاتەوە .
سەرۆكایەتی شارەوانی هەولێر: دەنگۆی دابەشكردنی پارچە زەوییەكی سەوزایی دوورە لەڕاستییەوە
100%
کۆمێنت (0)
تا ئێستا هیچ کۆمێنتێک نەکراوە.