له میانی به‌شداریکردنیان له کۆڕبه‌ندی دیپلۆماسیی ئانتالیادا، ئه‌مشه‌و هه‌ینی نێچیرڤان بارزانی سه‌رۆکی هه‌رێمی کوردستان له‌گه‌ڵ ڕه‌جه‌ب ته‌ییب ئه‌ردۆغان سه‌رکۆماری تورکیا کۆبووه‌وه.
له کۆبوونه‌وه‌که‌دا ده‌رباره‌ی بره‌ودان به په‌یوه‌ندییه‌کان و هاریکاریی هاوبه‌شی تورکیا له‌گه‌ڵ عێراق و هه‌رێمی کوردستان به‌تایبه‌تی له بواری بازرگانی و ئابووریدا، هه‌روه‌ها ده‌رباره‌ی دۆخی سیاسی و ئه‌منیی عێراق و هه‌رێمی کوردستان، بیروڕایان گۆڕییه‌وه.
هه‌ردوولا باسیان له ئه‌گه‌ر و لێکه‌وته‌کانی دۆخی ئاڵۆزی ناوچه‌که و پێشهاته‌کانی شه‌ڕ له غه‌ززه کرد، هه‌روه‌ها جه‌ختیان له گرنگیی هه‌وڵ و هاریکاریی هه‌مه‌لایه‌نه بۆ چاره‌سه‌رکردنی ئاشتییانه‌ی کێشه‌کان به گفتوگۆ و ده‌رفه‌ت و ڕێگه دیپلۆماسییه‌کان کرده‌وه.
مه‌ترسییه‌کانی تیرۆر و چه‌ند پرسێکی جێی بایه‌خی هاوبه‌ش، ته‌وه‌رێکی دیکه‌ی کۆبوونه‌وه‌که بوو.
نێچیرڤان بارزانی سەرۆكی هەرێمی كوردستان كە ئەمڕۆ هەینی گەیشتبووە وڵاتی توركیا، لەلایەن حكوومەتی ئەو وڵاتەوە لەگەڵ دەیان سەرۆك و سەرۆك وەزیران و وەزیرانی وڵاتان، بەشێوەی فەرمی بانگهێشتكرابوو بۆ بەشداریكردن لە سێیەمین كۆڕبەندی دیپلۆماسیی ئەنتاڵیا.
کۆمێنت (0)
تا ئێستا هیچ کۆمێنتێک نەکراوە.