گوتهبێژی حكوومهتی ههرێمی كوردستان جهختی كردهوه كه سهرجهم داواكارییهكانی پارێزگهی ههڵهبجه ئهوانهی ئهمڕۆ ئاراستهی مهسرور بارزانی سهرۆكی حكوومهت كران، لهلایهن لیژنهیهكی تایبهت له ههولێرهوه و به سهرپهرشتی نووسینگهی سهرۆك وهزیران جێبهجێ دهكرێن.
پێشهوا ههورامانی گوتهبێژی حكوومهتی ههرێمی كوردستان رایگهیاند: من لەنزیکەوە ئاگادارم چەند جارێک بوو لەلایەن جەنابی سەرۆک وەزیران پلانی چوونە هەڵەبجە دادەنرا، بەڵام هەرجارە و بە هۆکارێک شتێک دروست دەبوو یان دروست دەکرا سەردانەکە دوا دەکەوت.
راشیگهیاند: ئەمڕۆ سەرۆک وەزیران بارزانی هاتە هەڵەبجە و لەگەڵ دانیشتنی لەگەڵ ئیدارەی شارەکە فەرمووی "هاتووم گوێ بگرم و قسەی ئێوەم دەوێ چی بکەین بۆ ئەم شارە".
ههروهها رایگهیاند: بەڵام من نیگەرانیم بینی لەوەی کە بۆچی تا ئێستا ئەوەی بۆ هەڵەبجە کراوە نە لە ئاست تمووحی خەڵکەکەی بووە نە جەنابییان، گوتی کە "هەڵەبجە دەبوو زیاتر و باشتر خزمەت بکرێت و ئەمەی بۆی کراوە من زیاتر لەمەم دەوێت".
پێشهوا ههورامانی گوتیشی: سهرۆكی حكوومهت لە هەموو بوارەکاندا فەرمانی کرد هەڵەبجە تایبەتمەندی پێ بدرێت و دەبێت ئەم شارە ببووژێتەوە بەو جۆرەی کە دەبوو بۆی بکرێت کە زۆر لەمێژە دەبوو بکرایە!.
ئاماژهشی دا: بە فەرمانی جەنابییان هەموو پڕۆژەکانی وەبەرهێنان و گەشتیاری و کشتوکاڵ لە هەڵەبجە ئاسانکارییان بۆ دەکرێت و ڕێنمایی و مەرجی قورس لەسەر ئەم پارێزگایە دەبێت هەڵبگیرێن و بازرگان و سەرمایەدارانی هان دا کە بێنە هەڵەبجە بۆ کارکردن و حکوومەت ڕێگایان بۆ ئاسان دەکات هەتا خزمەت بکەن.
ههروهها گوتی: لە داهاتی دەروازە سنوورییەکان دەبێت پارەیەک بۆ پارێزگاکە تەرخان بکرێت، شەقامەکان دەبێت کارییان تێدا بکرێت و چاک بکرێن، دەبێت کۆلێژی تەندروستی دامەزرێت و 500 کەس دابمەزرێندرێن لە هەڵەبجە، ماستەرپلانی هەڵەبجە کاری لەسەر دەکرێت و کەرتی تەندروستی و کۆمەڵێک بواری دیکە کارییان لەسەر دەکرێت کە پێویستن بۆ شارەکە و ڕێککارەکانی بەقەزابوونی خورماڵیش خێرا دەکرێن.
گوتهبێژی حكوومهت گوتیشی: سەرۆک وەزیران خەمخۆرانە و دڵسۆزانە گوێی لە کەسوکاری قوربانییان دەگرت و لە کاتی ڕوونکردنەوەکانی کارەساتی کیمیابارانی هەڵەبجە، حەسرەت و خەمی کوردێکی خاوێن و ڕەسەن و خەمخۆر بەدی دەکرا کە زۆر خەمخۆرانە پرسیاری دەکرد و داوای وەڵامی دەکرد.
جهختیشی كردهوه كه بۆ هەموو ئەو داواکارییانەی ئەمڕۆ و یاداشتە 9 خاڵییەکەی پارێزگای هەڵەبجە، لێژنەیەکی تایبەت لەهەولێرەوە دێنە هەڵەبجە و نووسینگەی سەرۆک وەزیران سەرپەرشتی جێبەجێکردنی خاڵەکان دەکات.
ئاماژهی بهوهش دا كه لە کۆتاییدا گرێ کوێرەکەی تووەقوت کرایەوە و لەسەر دەستی سهرۆكی حكوومهت بەردی بناغەی ئەم پڕۆژەیە دانرا کە خواستی دێرینی هەڵەبجەییەکانە.
کۆمێنت (0)
تا ئێستا هیچ کۆمێنتێک نەکراوە.