Erbil 15°C پێنجشەممە 22 شوبات 12:45

له‌ كه‌لار.. گه‌نجێك سێ جار دڵی ده‌وه‌ستێ و پزیشكه‌كان ژیانی بۆ ده‌گه‌ڕێننه‌وه‌

کوردستان TV
100%

‌له‌ رووداوێكی ده‌گمه‌ندا له‌ كه‌لار گه‌نجێك سێ جار دڵی ده‌وه‌ستێ، به‌ڵام پزیشك و ستافی نه‌خۆشخانه‌ی فریاكه‌وتنی شه‌هید هه‌ژار ژیانی بۆ ده‌گه‌ڕێننه‌وه‌.

رووداوه‌كه‌ رۆژی سێشه‌می رابردوو كاتژمێر 2:51 خوله‌كی دوای نیوه‌ڕۆ روویداوه‌.

گه‌نجێكی ته‌مه‌ن 24 ساڵ ده‌هێننه‌ نه‌خۆشخانه‌ كه‌ باری ته‌ندروستی تێكچووه‌ و بێهۆشه‌، پزیشكان و ستافی به‌شی پێشوازی نه‌خۆشخانه‌ی فریاكه‌وتنی شه‌هید هه‌ژار به‌ خێرایی به‌هانایه‌وه‌ دێن.

به‌ڕێوه‌به‌رایه‌تی ته‌ندروستی گه‌رمیان ده‌ڵێت: گه‌نجه‌كه‌ سێ جار دڵی له‌ لێدان ده‌كه‌وێت‌، به‌ڵام پزیشكان و ستافی نه‌خۆشخانه‌ی شه‌هید هه‌ژار دوای یه‌ك كاتژێر له‌ ئیشكردن و شێلانی دڵی، دڵیان بۆ بووژاندۆته‌وه‌ و ژیانیان بۆ گه‌ڕاندۆته‌وه‌.

هه‌روه‌ها ده‌ڵێت: دوای ئه‌وه‌ی گه‌نجه‌كه‌ له‌ نه‌خۆشخانه‌ی فریاكه‌وتنی شه‌هید هه‌ژار باری ته‌ندروستی جێگیر ده‌كرێت، به‌په‌له‌ ره‌وانه‌ی نه‌خۆشخانه‌كانی سلێمانی ده‌كرێت.

ئاماژه‌ به‌وه‌ش ده‌كات كه‌ ئێستا باری ته‌ندروستی گه‌نجه‌كه‌ ته‌واو جێگیر بووه‌ته‌وه‌ و ته‌نانه‌ت ره‌وانه‌ی ماڵه‌وه‌ش كراوه‌ته‌وه‌‌.

ڤیدیۆ: ئه‌مه‌ی خواره‌وه‌ دیمه‌نی به‌هاناوه‌هاتنی گه‌نجه‌كه‌یه‌ له‌ ناو نه‌خۆشخانه‌ی شه‌هید هه‌ژار:-

تەندروستی

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.