ئەم جۆرە نەخۆشیە یەكێكە لە نەخۆشیەكانی ڤایرۆسی جگەر ، نەخۆشی ڤایرۆسی جگەر سێ جۆرەو ئەم جۆرەیان یەكێكە لە نەخۆشیە كوشندەكان و پێویستە زۆر بەزوویی چارەسەر بكرێت .
بۆ ڕووبەڕوو بونەوەی ئەم جۆرەی ڤایرۆسی جگەر ببنە هاوڕێی ئەم خۆراكانە :
ئەگەر بمانەوێت بە خۆراكی باش جگەرمان بپارێزین ، ئەوا دەبێت نانی ئەسمەر و برنجی قاوەیی و جۆ و شۆفان بخۆین ، ئەمە لەكاتێكدا هەموو جۆرە سەوزەهاتەكان و باقلەمەنیەكان و ماست و زەیتی زەیتون بەسوودن و هەوڵبدرێت لە رۆژێكدا دوو جار میوە بخورێت .
چۆنێتی خۆراك بۆ تووشبوانی ( هێپاتایتس ) :
توشبوانی ئەم نەخۆشیە پێویستە خۆراكی تایبەت بخۆن تاوەكو خواردنی نا تەندروست نەبێتە هۆی زۆر بوونی ڤایرۆسەكە ئەوانیش :
1. كەمكردنەوەی ئارد و نیشاستە ، ئەم خواردنانە كاتی زۆری دەوێت تا هەرس دەبێت و سەرچاوەی خۆراكی قورسن بەتایبەت نیشاستە زۆرجار زەمینەخۆش دەكات بۆ ڤایرۆسەكە ، بۆیە پێویستە خواردنی بێ نیشاستە بخۆن .
2. نەخواردنی ئاوی روبار و كانیاوەكان ، ئەو ئاوانەی كە مرۆڤ و ئاژەڵ بتوانن پیسی بكەن نابێت بەكار بهێنرێت لەم كاتەدا ئاوی كوڵاو بخۆنەوە .
3. دوركەوتنەوە لە خواردنی خێرا ( فاست فود ) ئەم خۆراكانە لەبەر ئەوەی جوینی كەمتر دەوێت و زۆرتر لە ڕۆندا سور دەكرێنەوە وا باشترە نەخورێت ، سەرەڕای ئەمە جبس و شیرینی خامەدار هەرگیز نەخورێت .
4. ڕۆنی بەستو ، ئەم رۆنە بۆ توشبوانی ئەم نەخۆشیە هەرگیز نابێت بەكار بهێنرێت ، لەبەر ئەوەی ئەركی جگەر ئەوەیە چەوریەكان هەرس بكات و لەم كاتەدا جگەرێكی نەخۆش ناتوانێ ئەو كارە ئەنجام بدات .
ژێده‌ر- تەندروستی سلێمانی
کۆمێنت (0)
تا ئێستا هیچ کۆمێنتێک نەکراوە.