به‌هۆی زۆری رێژه‌ی بارانبارینی چه‌ند رۆژی رابردوو، له گوندێكی سه‌ر به ئیداره‌ی سه‌ربه‌خۆی سۆران چه‌ند مینێك له‌گه‌ڵ ئاوی باران له به‌رزاییه‌كان دێنه خواره‌وه و مه‌ترسی له‌سه‌ر گیانی هاووڵاتییانی ناوچه‌كه دروست ده‌كه‌ن.
له كێڵگه‌ی مینی شێخ ستۆك له نزیك گوندی خراوا سه‌ر به شارۆچكه‌ی سیده‌كان، 15 مینی جۆری ڤاڵمارا (V69) و دوو پاشماوه‌ی جه‌نگی له‌گه‌ڵ ئاوی باران شوێنگۆڕكێیان كردبوو و له به‌رزاییه‌كان هاتبوونه خواره‌وه و ببوونه جێگه‌ی مه‌ترسی بۆ سه‌ر گیانی هاووڵاتییانی گونده‌كه.
بۆ ئه‌م مه‌به‌سته ئه‌مڕۆ دووشه‌م تیمێكی له‌ناوبردنی ته‌قه‌مه‌نییه‌كان سه‌ر به به‌ڕێوه‌به‌رایه‌تی گشتی كاروباری مینی هه‌ولێر چوونه شوێنی مینه‌كان و سه‌رجه‌میان هه‌ڵگرتنه‌وه.
دواتریش بۆ نه‌هێشتنی یه‌كجاری مه‌ترسی له‌سه‌ر گیانی هاووڵاتییان، سه‌رجه‌م مینه‌كان له‌ناوبران.
کۆمێنت (0)
تا ئێستا هیچ کۆمێنتێک نەکراوە.