حكوومه‌تی هه‌رێمی كوردستان له په‌یامێكدا ئیدانه‌ی ئه‌و هێرشه‌ی كرد كه له‌نێو وڵاتی ئوردن كرابووه سه‌ر هێزه‌كانی ئه‌مه‌ریكا و به‌هۆیه‌وه ژماره‌یه‌كی سه‌رباز ببوونه قوربانی.
پێشه‌وا هه‌ورامانی گوته‌بێژی حكوومه‌تی هه‌رێمی كوردستان ئه‌مڕۆ دووشه‌م له په‌یامێكدا رایگه‌یاند "حکوومەتی هەرێمی کوردستان ئیدانەی ئەو هێرشە دەکات کە لە ئوردون کرایە سەر هێزەکانی ئەمەریکا و بەهۆیەوە ژمارەیەک سەرباز بوونە قوربانی و هاوسۆزیمان لەگەڵ گەل و حکوومەتی ئەمەریکا دەردەبڕین".
هه‌ورامانی راشیگه‌یاند "لەهەمانکاتدا جەخت لەسەر پاراستنی ئاسایش و سەقامگیریی وڵاتی دۆستمان شانشینی ئوردنی دەکەینەوە و لەگەل تەشەنەسەندنی ناکۆکی و نائارامییەکان لە ناوچەکەدا نین".
گوته‌بێژی حكوومه‌تی هه‌رێمی كوردستان ئاماژه‌ی به‌وه‌ش دا "داواکارین کۆتایی بە گرژییەکان بهێنرێت و گشت کێشەکان بە دیالۆگ و بە شێوازی ئاشتیانە چارەسەر بکرێن".
کۆمێنت (0)
تا ئێستا هیچ کۆمێنتێک نەکراوە.