دژه‌تیرۆری كوردستان ره‌تی كرده‌وه ئه‌مڕۆ یه‌كشه‌م هیچ هێرشێك كرابێته سه‌ر فڕۆكه‌خانه‌ی هه‌ولێر وه‌ك ئه‌وه‌ی كه له هه‌ندێ كه‌ناڵی راگه‌یاندنی سه‌ر به میلیشیاكان و هه‌روه‌ها ناوخۆییه‌كانیش بڵاو كراوه‌ته‌وه.
دژه‌تیرۆری كوردستان بڵاوی كرده‌وه: ئەمڕۆ یه‌كشەم 28ی کانوونی دووەمی 2024، لە ژمارەیەک میدیا و کەناڵی ڕاگەیاندنی سەر بە میلیشیاکان وا بڵاو کرایەوە گوایە بە درۆنی بۆمبڕێژکراو هێرشکراوەتە سەر فڕۆکەخانەی نێودەوڵەتیی هەولێر.
بڵاویشی كرده‌وه: هاوکات لە ژمارەیەک کەناڵی ناوخۆییش کە زۆر تامەزرۆی ڕاستیی لێدانی فڕۆکەخانەی نێودەوڵەتیی هەولێرن، بەبێ پشتڕاستکردنەوەی هەواڵەکە و بەدواداچوونی میدیایی، ئەو هەواڵەیان بڵاو کردەوە!.
دژه‌تیرۆری كوردستان ئاماژه‌ی به‌وه‌ش دا كه ئه‌وان لای خۆیانەوە ڕای دەگەیەنن کە ئەم هەواڵە بێ بنەما و ناڕاستە.
جه‌ختیشی كرده‌وه كه ئەمڕۆ یه‌كشه‌م هیچ هێرشێک نەکراوەتە سەر فڕۆکەخانەی نێودەوڵەتیی هەولێر.
کۆمێنت (0)
تا ئێستا هیچ کۆمێنتێک نەکراوە.