سه‌رۆك بارزانی له ڕێگه‌ی ته‌له‌فۆنه‌وه پرسه و سه‌ره‌خۆشی له نه‌وزاد هادی و بارزان قه‌ساب كرد به‌هۆی كۆچی دوایی خوشكیانه‌وه.
ئێوارەی ئه‌مرۆ دووشەممە 22ی کانوونی دووەمی 2024، سەرۆک مەسعود بارزانی پەیوەندیی تەلەفۆنی لەگەڵ هەریەکە لە بەڕێزان نەوزاد هادی و بارزان قەساب ئەنجام دا.
له په‌یوه‌ندییه ته‌له‌فۆنییه‌كه‌دا سه‌رۆك بارزانی پرسە و سەرەخۆشی ئاڕاستەی خۆیان و خانەوادە و کەسوکاریان کرد بۆ کۆچی دوایی خاتوو (سۆزان هادی مەولوود)ـی خوشکیان.
سه‌رۆك بارزانی هه‌روه‌ها هیوای خواست خوای گەورە گیانی خوالێخۆشبوو بە بەهەشتی بەرین شاد بکات و سەربر و ئارامی بە هەموولایەکیان ببەخشێت.
کۆمێنت (0)
تا ئێستا هیچ کۆمێنتێک نەکراوە.