بڕیاره رۆژی چوارشه‌می داهاتوو هێزی ده‌ریایی هه‌ردوو وڵاتی عێراق و ئێران له گه‌رووی شه‌تولعه‌ره‌ب، مانۆڕێكی ده‌ریایی هاوبه‌ش ئه‌نجام بده‌ن.
به‌گوێره‌ی ئاژانسی (سكاینیوز)ی ئێرانی، مانۆڕه‌كه له گه‌رووی ئاوی شه‌تولعه‌ره‌ب كه پارێزگه‌ی به‌سڕه‌ی عێراقی و شاری عه‌بادانی ئێرانی به‌یه‌كه‌وه ده‌به‌ستێته‌وه، به‌ڕێوه ده‌چێت.
مانۆڕه‌كه له ساڵوڕۆژی چواره‌می كوژرانی قاسم سلێمانی و ئه‌بوو مه‌هدی موهه‌ندیس ئه‌نجام ده‌درێت كه له بۆردومانێكی سوپای ئه‌مه‌ریكادا له ساڵی 2020 له نزیك فڕۆكه‌خانه‌ی به‌غدا كرانه ئامانج.
ئاژانسه‌كه ئاماژه‌ی به‌وه‌ش دا كه مانۆڕه هاوبه‌شه‌كه به ئاماده‌بوونی به‌رپرسانی ئه‌منی و هاووڵاتییانی نیشته‌جێی ناوچه‌كه و به‌شێك له ده‌زگاكانی راگه‌یاندن ئه‌نجام ده‌درێت.
کۆمێنت (0)
تا ئێستا هیچ کۆمێنتێک نەکراوە.