سه‌رۆك بارزانی ئه‌مڕۆ دووشه‌م په‌یامێكی سه‌ره‌خۆشی به‌هۆی كۆچی دوایی سه‌رحه‌د خه‌لیفه یوونس كه‌سایه‌تی دیاری كۆمه‌ڵایه‌تی و سه‌رۆك هۆزی رۆغزایی بڵاو كرده‌وه.
سه‌رۆك بارزانی له په‌یامه‌كه سه‌ره‌خۆشییه‌كه‌دا ڕایگه‌یاند "سه‌ره‌خۆشی خۆم ئاراسته‌ی خانه‌واده و دۆست و ئاشنایانی خوالێخۆشبوو سه‌رحه‌د خه‌لیفه یوونس ده‌كه‌م و خۆم بە هاوبەشی خەمیان دەزانم".
ئه‌مه‌ی خواره‌وه ده‌قی په‌یامه سه‌ره‌خۆشییه‌كه‌ی سه‌رۆك بارزانییه:-
بەناوی خودای بەخشندە و میهرەبان
به‌داخێكی زۆره‌وه هه‌واڵی كۆچی دوایی كه‌سایه‌تی دیاری كۆمه‌ڵایه‌تی كوردستان و سه‌رۆك هۆزی رۆغزایی كاك ( سه‌رحه‌د خه‌لیفه یونس )ـم پێگه‌یشت.
سه‌ره‌خۆشی خۆم ئاراسته‌ی خانه‌واده و دۆست و ئاشنایانی خوالێخۆشبوو ده‌كه‌م و خۆم بە هاوبەشی خەمیان دەزانم.
له خودای گه‌وره داواكارم گیانی خوالێخۆشبوو كاك سه‌رحه‌د به‌ر ره‌حمه‌تی خۆی بخات و به به‌هه‌شتی به‌رینی شاد بكات، سەبر و ئارامی بەهەموو لایەک ببەخشێت.
إنا لله وإنا اليه راجعون
مسعود بارزانی
25ـی کانوونی یەکەمی2023
کۆمێنت (0)
تا ئێستا هیچ کۆمێنتێک نەکراوە.