سه‌رۆك بارزانی ئه‌مڕۆ یه‌كشه‌م به‌بۆنه‌ی جه‌ژنی له‌دایكبوونی حه‌زره‌تی مه‌سیحه‌وه په‌یامێكی بڵاو كرده‌وه و تێیدا پیرۆزبایی خۆی ئاراسته‌ی خوشك و برایانی كریستیان لە كوردستان و عێراق و جیهان كرد.
سه‌رۆك بارزانی له په‌یامه‌كه‌دا ڕایگه‌یاند: لەم بۆنەیەدا پابەندیمان بە فەرهەنگی پێكەوەژیان و برایەتیی نێوان پێكهاتەكانی كوردستان دووپات ده‌كه‌ینه‌وه.
سه‌رۆك بارزانی هیواشی خواست خوشك و برا كریستیانەكان هەموو جەژن و بۆنە و خۆشییەكانیان لە ئارامی و تەباییدا بکەنەوە.
ئه‌مه‌ی خواره‌وه پەیامه‌كه‌ی سەرۆك بارزانییه بەبۆنەی جەژنی لەدایكبوونی حەزرەتی مەسیح:-
بەناوی خودای بەخشندە و میهرەبان
بەبۆنەی سەری ساڵی تازەی زایینی و جەژنی لەدایكبوونی حەزرەتی عیسا مەسیح (دروودی خوای لەسەر بێت)، گەرمترین پیرۆزبایی خۆم ئاراستەی خوشك و برایانی كریستیان لە كوردستان و عێراق و جیهان دەكەم و هیوای شادی و بەختەوەرییان بۆ دەخوازم.
لەم بۆنەیەدا وێڕای دووپاتکردنەوەی پابەندیمان بە فەرهەنگی پێكەوەژیان و برایەتیی نێوان پێكهاتەكانی كوردستان هیواخوازم خوشك و برا كریستیانەكانمان هەموو جەژن و بۆنە و خۆشییەكانیان لە ئارامی و تەباییدا بکەنەوە.
مسعود بارزانی
24ی كانوونی یەكەمی 2023
کۆمێنت (0)
تا ئێستا هیچ کۆمێنتێک نەکراوە.