كۆمپانیای تۆیۆتا بەهۆی كێشەیەك یەك ملیۆن ئۆتۆمبێل لەو وڵاتە دەكێشێتەوە

كۆمپانیای تۆیۆتای ژاپۆنی ئەمڕۆ پێنجشەممە ڕایگەیاند: بەهۆی كێشەی ئەیرباگەوە، نزیكەی یەك ملیۆن ئۆتۆمبێلی تۆیۆتا و لێكسزیان لە ئەمریكا گەڕاندۆتەوە.
بەپێی ئەو ئاگادارییەی كە لەلایەن گروپی تۆیۆتا لە ماڵپەڕەكەیدا بڵاوكراوەتەوە، ئەو هەستەوەرانەی كە لە كورسی پێشەوەی سەرنشینانی ئەو ئۆتۆمبێلانەی كە باس دەكرێن، ڕەنگە كەموكوڕییەكی دروستكردنیان هەبێت كە ببێتە هۆی شۆرتی كارەبایی. 
گروپەكە ڕوونیشیكردووەتەوە، ئەم كەموكوڕییە "رێگە نادات ئامێرەكە بە دروستی كێشی سەرنشینەكە هەڵسەنگێنێت، و ڕەنگە ئەیرباگەكە وەكو پێویست لە هەندێك ڕووداودا نەكرێتەوە، ئەمەش مەترسی برینداربوون زیاد دەكات.
مێژووی ئەو مۆدێلانەی كە كاریگەری بانگهێشتكردنەوەكەیان لەسەر بووە دەگەڕێتەوە بۆ ئەو ماوەیەی كە لە ساڵی 2020 تا 2022 درێژ بووەتەوە، مۆدێلەكانیش بریتین لە ئۆتۆمبێلە بەناوبانگەكانی RAV4 و Highlander SUV، هەروەها مۆدێلەكانی كۆرۆلا و كامری.